1609 – Eksploruesi Henry Hudson mbërrin me anije në brigjet e Manhatanit. Lumi që rrjedh nga veriu në jug në pjesën lindore të Nju Jorkut u quajt Hudson, për nder të tij.
1781 – Los Anxheles themelohet nga 44 kolonë spanjollë. Ata e quajtën vendbanimin e tyre te ri; “El Pueblo de Nuestra Señora La Reina de los Angeles de Porciúncola” (Fshati i Zojës sonë, Mbretëresha e Engjëjve të Porziunkolës). Porziunkola është një kishë e vogël në bazilikën Santa Maria degli Angeli, në Umbria të Italisë, ku Françesku (më pas Shën Françesku i Assisit) themeloi urdhërin françeskan.
1924 – Bashkimi Sovjetik njeh qeverinë e Shqipërisë të kryesuar nga Fan Noli.
1972 – Notari amerikan Mark Spitz bëhet konkurruesi i parë që fiton një herësh shtatë medalje në Lojëjrat Olimpike.
1989 – Në Leipzig, Gjermani, fillojnë për herë të parë demonstratat për legalizimin e grupeve opozitare dhe reforma demokratike.
1998 – Rrjeti internetik Google themelohet nga Larry Page dhe Sergey Brin, dy studentë në Universitetin e Stanfordit, SHBA.
Google.com është online që nga viti 1997 dhe aktualisht është i rankuar si domaini numër 1 në botë. Etimologjia e fjalës Google rrjedh nga termi matematikor Googol që nënkupton numrin 1 të ndjekur nga njëqind zero. Përveç makinës së fuqishme për kërkim në internet, Google posedon edhe qindra produkte tjera, ndër të cilat Adsense (2003), Gmail (2004), Android (2007), Chrome (2008,) ndërsa ka blerë edhe Blogger më 2003, Youtube më 2006 për 1.65 miliardë dollarë, etj. Google gjithsej ka mbi 19.000 të punësuar prej të cilëve 37% janë staf teknik për kërkim dhe 37% personel për shitje. Një i sapopunësuar në Google quhet Noogler.
