4977 p.e.s. – Krijohet Gjithësia sipas matematicienit dhe astronomit gjerman, Johannes Kepler, 28-vjeçar. Ai krijoi ligjet e lëvizjes planetare, që u bënë bazë për teorinë e gravitacionit të Isak Njutonit.
1296 – Edward I mposht skocezët në Betejën e Dunbarit.
1791 – Lindi piktori Samuel Morse në Charlestown, Massachusetts. Edhe pse Morse nuk shpiku telegrafin dhe nuk krijoi i vetëm kodin Morse, ai ishte padyshim nxitësi më i madh telegrafisë, duke realizuar zhvillimin e saj të shpejtë dhe përhapjen në të gjithë botën.
1810 – Beethoven kompozon pjesën e tij të famshme për piano, “Fur Elise” (Për Elisën). Titulli vjen nga një dorëshkrim i Beethovenit kushtuar Elisës; dorëshkrimi ka humbur – duke ndezur interesin për të mësuar se kush mund të ketë qenë “Elise”.
1945 – Musolini kapet nga partizanët italianë. Duke mos dashur të binte në duart e britanikëve apo amerikanëve, Musolini ra në duart e partizanëve komunistë, bashkë me dashnoren e tij, Klara Petaçi. Çifti u pushkatua dhe trupat e tyre më pas u transportuan me kamion në Milano, ku u varën publikisht me kokë poshtë.
1982 – Vdes Skënder Petro Luarasi, shkrimtar shqiptar. Pas çlirimit të vendit, është nismëtar në themelimin e Lidhjes së Shkrimtarëve dhe anëtar i Kryesisë deri në nëntor 1949, kur u përjashtua për disa vjet nga Lidhja për qëndrimin e tij antikonformist ndaj metodave e qëndrimeve jodemokratike që ndiqte Kryesia e Lidhjes, në fushën e letërsisë e të arteve, e nënshtruar ndaj diktatit të partisë në pushtet. Për veprimtarinë e tij të shquar patriotike- antifashiste-demokratike, edukative e letrare është nderuar me urdhrat e lartë: Urdhëri i Flamurit (1960) dhe Nderi i Kombit (1996).
