Zemra e thyer mund të shkaktojë dëme në zemër, si dhe infarkt, thotë një studim i ri i psikiatërve dhe kardiologëve. Këto pasoja janë kryesisht rezultat i stresit emocional të shkaktuar zakonisht nga mërzia ose ndarja e keqe me njerëzit e dashur.
Në Britani të Madhe mijëra të rritur vuajnë nga i ashtuquajturi “takosubo”, ose sindromi i “zemrës së thyer”. Studiuesit kanë vërtetuar se zemra mund të dobësohet kur një ngjarje e caktuar në jetë e prek një person. Më parë, mjekët supozonin se këto efekte ishin të përkohshme dhe dëmi nuk zgjat shumë. Por ekipi i Universitetit të Aberdenit në Skoci ka arritur në konkluzione të reja lidhur me pasojat e stresit emocional.
Studimi, i cili përfshin dhjetëra njerëz që vuajnë nga sindroma e “zemrës së thyer”, ka treguar se ky çrregullim e dobëson përgjithmonë zemrën, si dhe shkakton deri në infarkt. Sipas një prove me pacientët që kryen regullisht ultratinguj dhe rezonancë magnetike për dy vite me rradhë, u zbulua se ata që vuajnë nga sindoma e “zemrës së thyer” nuk janë në gjendje të ushtrohen gjatë apo të ndjekin një proces gjatë, pasi lodhen shpejt.
“Takotsubo është më e shpeshtë sesa kemi menduar. Studimi ynë i tregon qartë efektet e qëndrueshme negative në zemër. Këta pacientë nuk janë në gjendje të ushtrojnë gjatë diçka pasi lodhen shumë lehtë. Hulumtimi ynë tregon se takotsubo duhet të trajtohet me të njëjtën urgjencë sikurse edhe problemet e tjera të zemrës dhe se pacientët kanë nevojë për trajtim të përhershëm”, shprehet udhëheqësja e studimit, kardiologia Dana Dawson./ Tirana Today
