Mesut Ozil është kthyer në një çështje në Gjermani, pas fotos së famshme të realizuar në Londër me presidentin turk, Recep Tayyip Erdogan. Të shumtë kanë qenë zërat kundra tij, madje dhe Federata ka dalë në një komunikatë ku ka kërkuar që turko-gjermani pasi të kthehet nga pushim të dalë në një konferencë për shtyp dhe të sqarojë atë që ka ndodhur.
Nga ana tjetër Ozil nuk ka folur asnjëherë për këtë çështje, edhe pse është vërshëllyer nga tifozët në ndeshjet e fundit që ka luajtur me Gjermaninë. Pas eliminimit nga Botërori Ozil u akuzua se nuk kishte dhënë maksimumin në fushën e lojës për kombëtaren gjermane, duke e cilësuar si fajtorin kryesor të dështimit. I ati i futbollistit i doli në mbrojtje, madje shkoi shumë larg duke thënë: “Mesut të kanë ofenduar, tërhiqu nga kombëtarja.”
Një nga kritikët e tij më të mëdhenj ka qenë Bierhof. Megjithatë është dikush që e ka marrë në mbrojte turko-gjermanin.
Këshilli Qendror i Myslimanëve kërkuar që Bierhof të largohet. “Bierhoff dhe Grindel duhet të largohen nga drejtimi, nëse nuk kanë mësuar ndonjë gjë tjetër në karrierën e tyre të gjatë. Sjelljet e gabuara në futboll dënohen me karton të kuq”, shprehet kryetari i Këshillit Qendror të Myslimanëve, Aiman Mazijek. Edhe Boateng i ka dalë në mbrojtje shoku të tij të skuadrës duke thënë se Ozil nuk duhet ngarkuar me gjithë përgjegjësinë.
