Christian Panucci dhe stafi i tij kanë lenë jashtë kombëtares për herë të dytë kapitenin, Ansi Agolli. Ky vendim është shoqëruar me polemika të shumta, pasi tekniku italian është justifikuar me moshën e futbollistin edhe pse ai është duke luajtur në nivele të larta tek ekipi i tij. Ish-drejtori sportiv i Partizanit, Dritan Dervishi, në një prononcim për “Panorama Sport” ka sulmuar Panuccin, duke e quajtur edhe pseudotrajner.
“Një lojtar zgjidhet për performancat e tij sportive jo prej moshës. Edhe një here ky trajner po tregon mungesë respekti për futbollin tonë… Ti z.Panuci je për te zgjedhur lojtaret me ne formë dhe jo për te bere profesorin. Ky trajner e ka te sigurt dështimin me arrogancën që po tregon … Mos vendos nga mosha, por nga forma. Disa lojtarë qe ti ke marrë në klubet ku luajnë nuk kanë një minutë…
Presidenti Duka t’i kërkoj shpjegim këtij trajneri. Kombëtarja nuk është klub i Serisë C.. Forca kapiten! Asnjë pseudotrajner nuk mund te njollosë historinë tende…”,- u shpreh Dervishi.
