Icardi është kthyer në një çështje tek Interi, pasi është folur gjatë për një largim të mundshëm të tij drejt Juventusit. Por CEO i Inter-it siguron se nuk ka asgjë për t’u shqetësuar për sa i përket Mauro Icardi-t. Zikaltrit duhet të dalin mirë me bilancet më 30 qershor, dhe është përfolur se kapiteni mund të jetë i sakrifikuari për të siguruar që kjo gjë të ndodhë.
“Nuk ka asgjë për t’u shqetësuar rreth Icardi-t,” shprehet Alessandro Antonello, duke folur për gazetarët në Milano. “Ai është kapiteni ynë, në javët e ardhshme do të diskutojmë rinovimin. FFP? Ka optimizëm, jemi të fokusuar për këtë objektiv të cilin duhet ta arrijmë nga 30 qershori dhe po punojmë për këtë gjë. Nuk po mendojmë të shesim askënd për të respektuar Fair Play Financiar, po mendojmë të ndërtojmë një ekip të fortë.”
