Koordinatori i PD-së për Tiranën, Klevis Balliu, i ftuar në një interviste televizive deklaroi se protesta përpara Bashkisë Tiranë do të përshkallëzohet gjatë ditës së nesërme.
Balliu theksoi se përshkallëzimi i protestës do të vijojë.
Klevis Balliu: Për sa kohë që pushteti nuk dëgjon zërin e qytetarëve, përshkallëzimi në protesta do të vazhdojë. Ne duhet të largojmë një person, që duhet të ishte vetëlarguar. Veliaj ka qenë në dijeni të aferave, sepse ai firmos edhe për një shtesë kati e firmos kryetari i bashkisë së Tiranës. E zëmë se nuk ka lidhje Erion Veliaj, ai është njeriu që i ka sjellë këta drejtorë në këto poste. Veliaj duhet të kishte dhënë dorëheqjen. Nuk ka asnjë njeri në Shqipëri që nuk e di që Veliaj ka dijeni për aferën 5D, jo vetëm e dinte, por i drejtonte hajdutët.
Berisha është në masë arresti, ndërsa Veliaj jo, por vazhdon e vjedh. Veliaj iu thotë kolegë atyre të SPAK, duke iu thënë se atë institucion e kemi bërë bashkë. Edhe Enver Hoxha arrestonte dhe pushkatonte të vetët, pastaj pushkatonte edhe qytetarët. Këta arrestojnë dy ushtarë dhe nuk shkojnë tek provat themelore. Pse artistët e shoubizzit marrin para, që janë bërë këshilltarë në bashki.
