Në gjyqin ku Gazment Bardhi është i paditur për shpifje, gjykata pranoi kerkesën e avokatit të paditësit Edmond Sula për t’i kërkuar informacion SPAK nëse deklarata e lexuar nga Bardhi në parlament për të akuzuar ish drejtorin e policisë së Shkodrës gjendet ne dosjen Metamorfoza.
Analisti Arben Meçe i ftuar në një emision televiziv u shpreh se deklarata e Bardhit ka cënuar identitetin dhe personalitetin e personit të afektuar. Sipas tij, dëmtimi është i rëndë dhe kushdo që del në media duhet të ketë përgjegjshmërinë e asaj që thotë.
“Jemi në kuadër të një procesi normal ku cënimi i lirisë përballet me ligjin. Kemi kohë ku ambienti shoqëror është ballafaquar me këto lloj informacionesh që kanë cënuar jetën private, personalitetin, identitietin e një individi kusho qoftë ai. Kjo procedurë ku personi i cënuar ballafaqon personin që ka injektuar në treg informacion që sipas palëve nuk janë të vërteta dhe po prodhohet një mekanizëm që duhej kohë të ishte në Shqipëri.
Kushdo nga një tribunë apo sallë, ekran implementon informacione, do të ballafaqohet me penalitete kur ky informacion nuk është i saktë, sidomos kur ky informacion cënon jetën private apo shoqërore. Do shkohet deri në fund sepse një person është cënuar dhe po e ndjek në mënyrë private. Jemi në kuadër të një çështje ku individit i është cënuar personalitetin, jeta e tij publike por edhe e ardhmja.
Në gjykimin e atij që është dëmtuar, është i rëndë dhe mund te ketë dëmtime të parikthyeshme në marrëdhënien me kolegun. Këmbëngulja e personit të penalizuar është stoike dhe dinjitoze.
Kushdo që del në media duhet të ketë përgjegjëshmërinë e asaj që thotë. Cdo invidi kur i cënohet integriteti i tij i drejtohet mekanizmit ligjor dhe ky vendos ekuilibrat.”
