Carragher kritikon Coutinhon: Le në baltë Liverpoolin për para

Ish-lojtari dhe kapiteni i Liverpoolit, Jamie Carragher, është shprehur se Phelippe Coutinho nuk vlen 140 milionë euro dhe se kjo shumë ishte e ekzagjeruar.  Coutinho u transferuar në fillim të janarit nga Barcelona për një shifër që së bashku me bonuse mund të shkoj deri në 160 milionë euro.

Ky transferim u lavdërua nga të gjithë, por jo edhe nga Carragher, i cili kritikoi këtë lëvizje në mes të sezonit. “Unë nuk jam dakord me largimin e tij në mes të sezonit”, ka thënë fillimisht Carragher për Sky Sports.

“Pasi Liverpooli është në garë për FA Cup dhe në Ligën e Kampionëve. Tifozët e Liverpoolit, duke përfshirë edhe veten time, ndiheshin mirë kur Coutinho qëndroi në verë, edhe pse e dinim se do të largoheshe në fund të sezonit. Ai nuk është aq i mirë. Nuk vlen 140 milionë euro. Do ti kisha këshilluar atij që të fitonte më pak para dhe ta mbyllte sezonin tek “Redsat” e pastaj të largoheshe, pasi i dëmtoi në këtë mënyrë”, përfundoi ish-kapiteni i Reds.