Një hit i ri duket se po korr suksesin e këngës “Despacito”. Bëhet fjalë për hitin më të fundit “Taki Taki”, sjellë nga Dj Snake në bashkëpunim me Selena Gomez, Cardi B dhe Ozuna. Projekti latin që në orët e para të publikimit ka thyer rekorde shikueshmërie.
DJ Snake tha për Billboard se donte të bënte një rekord regatoni për klubet e natës dhe gjeti dy “mbretëresha”, Selena Gomez dhe Cardi B.
Ozuna ka vendosur titullin e hitit, i cili është një lloj kërcimi tepër ritmik dhe sensual që transmetohet tek publiku vetëm me anë të muzikës.
Sigurisht, një vëmendje e madhe i është kushtuar klipit, në të cilin mbizotëron ngjyra e kuqe dhe flakët.
