Anglia është mposhtur të mërkurën në mbrëmje nga Kroacia në gjysmëfinalen e Kupës së Botës. Një ndeshje dramatike që u vendos në minutat shtesë nga një gol i Mandzukic. Fabio Capello, ish-trajneri i Anglisë ka bërë një analizë të shkurtër për këtë ndeshje ku ka pasur një vlerësim maksimal për kroatët. Ai është shprehur se kroatët kanë një patriotizëm të madh dhe kjo u jep forcën për të luftuar.
“Anglia është një skuadër e re dhe pa eksperiencë. Kroacia ka lojtarë më ekspertë dhe kjo ka bërë diferencën. Anglezët kanë të ardhme, por ka gjithmonë vështirësi kur duhet të hedhë hapin e fundit”, ka thënë italiani.
“Kanë ka humbur një rast të pabesueshëm, ndërsa Perisic ka realizuar një gol të mrekullueshëm. Perisic ka bërë diferencën. Lojtarët e Dalic nuk i kanë lënë shumë hapësira Kane-it.
Ajo që më befason është se Kroacia ka vetëm 4 milionë banorë dhe arrin, gjithsesi, të gjejë talente të tillë. Është një skuadër që arrin të luftojë, është shumë e bashkuar. Kanë një patriotizëm dhe një shpirt skuadre të madh”.
