Kërkesës që bëri disa ditë më parë presidenti i ekipit kosovarë Vëllaznimi, se ishte në prag falimenti dhe i duheshin donatorë të rinj i është përgjigjur Agim Cana dhe Ragip Xhaka. Të dy këta të fundit kanë udhëtuar drejt Kosovës për të njohur nga afër situatën në të cilën ndodhet klubi dhe të marrin frenat e ekipit.
Ditën e sotme ka pasur një takim mes Canës, Xhakës dhe Gashit. Pas këtij takimi pritet të jepet edhe konfirmimi zyrtarë se Cana do të marrë presidencën e ekipit duke u ndihmuar nga Xhaka. “GazetaOlle.com”, ka siguruar foto ekskluzive nga takimi që po mbahet në qebaptoren Cana në Pejton të Prishtinës.
Më parë u fol se babai i lojtarëve Granitit dhe taulantit do të hynte aksionar tek Vëllaznimi, por ky i fundit i kishte hedhur poshtë zërat, ndërsa tani pritet që edhe ai të arrijë marrëveshjen si babi i Lorikut për të marrë drejtimin e klubit në 2018-ën dhe për ta kthyer në majën e futbollit kosovarë.
