Gjatë takimit elektoral në Berat, Kryeministri Edi Rama vijoi me batuta me një qytetar.
Teksa fliste për Partinë Socialiste dhe mbështetjen e grave për këtë forcë politike, Rama iu drejtua një qytetari me batutë spontane: “Ça ke ti, ke vërejtje? Mos kij vërejtje, se ti je në rresht të parë, të kap kamera, të shikon gruaja…”.
Rama tha se gratë dhe vajzat e Shqipërisë janë forca më e madhe për PS-në dhe vendin. Në fund, Kryeministri theksoi bindjen për një fitore të thellë të PS në qarkun e Beratit.
Edi Rama: Nuk ka forcë më të vjetër dhe më të re se PS. Ça ke ti, ke vërejtje? Mos kij vërejtje, se ti je në rresht të parë, të kap kamera, të shikon gruaja, dhe kur të shkosh në shtëpi, do të thotë si e kishe hallin? Nuk thotë kot një shprehje shumë e vjetër, që pas çdo burri të suksesshëm, është një grua e fortë. Pas suksesit të PS, qëndron forca e madhe e grave dhe vajzave të Shqipërisë. Pastaj shumica e burrave do na bashkohen, se s’kanë ku shkojnë. Nuk ke pse fyhesh fare, nëse të duket se dikush e ka me ty, fute votën për Shqipërinë në BE dhe je në rregull. Nuk të fut njeri te çyrykët. Ne do arrijmë rezultat të thellë në qarkun Berat. Rroftë Berati, rroftë Skrapari, rroftë Poliçani, Kuçova, Dimali.
