Ashtu si shumë shkolla të tjera në vendin tonë edhe shkolla 9-të vjeçare “Hajrulla Tollja në fshatin Strikçan të Bulqizës, nuk do t’i shpëtonte mbylljes për shkak të uljes së numrit të nxënësve.
Por prindërit kërkojnë rihapjen e saj të paktën për arsimin fillor. Ergest Smeli thotë se për klasën e parë është e pamundur të udhëtojë në Bulqizë apo në Godvi, pasi nuk rakordon orari i mbarimit të mësimit me klasat e tjera dhe detyrohen të qëndrojnë jashtë në ditë me shi apo ftohtë.
Ergesti shprehet se këtë vit ka shumë nxënës që hyjnë në klasën e parë nga fshati i tyre, ndaj duhet rihapur shkolla dhe të mos sorollaten në shkolla të tjera të largëta.
Për shkak se shkolla nuk përdoret prej dy vitesh, godinën e kanë mbuluar ferrat e barishtet, ndërsa nuk ka asnjë ndërhyrje nga pushteti vendor për ta vendosur në shërbim të arsimit për banorët e fshatit Strikçan.
