Bujar Shala është prezantuar dje, para shqiptarëve në Østfold të Norvegjisë, si kandidat për deputet.
Ai është shqiptari i parë që kandidon për deputet në zgjedhjet parlamentare norvegjeze, të cilat do të mbahen në shtator të 2017-ës.
Shala është i nënti në listë si kandidat nga partia Høyre, parti kjo që aktualisht është në pushtet.
Përveç prezantimit, Bujari kërkoi edhe përkrahjen e aktivistëve shqiptarë për kandidaturën e tij.
Të pranishmit e përkrahën unanimisht këtë iniciativë të Shalës, teksa u zotuan se do ta ndihmojnë atë.
