Kandidati i Partisë Demokratike për Qarkun e Vlorës, Bujar Leskaj, vijon me intensitet takimet me qytetarët dhe të rinjtë e zonës. Me një vizion të qartë për një të ardhme më të mirë dhe angazhim të palëkundur për ndryshim, ai po mbledh rreth vetes gjithnjë e më shumë mbështetje. Rinia mbetet në qendër të mesazhit të tij – si forca që do të sjellë ndryshimin më 11 maj.
Ja reagimi i Z. Leskaj:
Dje, mora pjesë në një takim të veçantë festiv të organizuar nga të rinjtë e Forumit Rinor të Partisë Demokratike Vlorë, në mbështetje të kandidatit z.Mario Runa, si përfaqësues dinjitoz i të rinjve në listën e PD-ASHM.
Rrugëtimi i Partisë Demokratike ka qenë gjithmonë i bukur, shpresëdhënës dhe entuziast, sepse asaj gjithmonë i janë bashkuar të rinjtë, është mbështetur nga të rinjtë. Për Partinë Demokratike do të jetë rinia,fuqizimi i të rinjve, integrimi, angazhimi i tyre, mbështetja ndaj tyre si prioritet parësor.
Vota e të rinjve vlonjatë, angazhimi i tyre në këtë fushatë do të jetë ndëshkimi për ata që u kanë marrë peng të ardhmen !
Në 11 Maj të rinjtë votojnë ndryshimin, votojnë Partinë Demokratike-Aleancën për Shqipërinë Madhështore !
