Ai sot luan në Paris, tek skuadra e sheikëve Paris Saint-Germain dhe është titullar. Po flasim për Gianluigi Buffon, lojtari italian që u largua nga Juventusi në fund të sezonit të kaluar për tu transferuar në Ligue 1.
Buffon ka qenë i ftuar dje tek emisioni i njohur italian Tiki Taka ku si opinioniste punon edhe Wanda Nara, gruaja e Icardit, të cilin Buffon e përmendi gjatë intervistës së tij me një batutë. “Ndeshja me Real? Ato fjalë pas ndeshjes ishin të ekzagjeruara. Menjëherë dy orë pasi i thashë e kuptova që e kisha ekzagjeruar por në atë moment nuk munda të thoja fjalë të tjera.
Nëse nesër do të ndodhte e njëjta gjë, do të thoja të njëjtat gjëra. Sipas meje do të ishte një nga gjërat më të bukura në futboll, ti tregonim njerëzve të sportit atë 0-3 në Madrid e nëse do të kishim kaluar ne do të ishte diçka fantastike.
“Nuk e them që nuk ishte penallti, them që ishte një situatë e dyshimtë. Një arbitër me një eksperiencë tjetër nuk e bën atë lloj zgjedhje 1000×1000. Ky është mendimi im dhe nuk mund ta ndryshoj dot, kështu i mendoj unë gjërat.”
Më pas Buffon flet për Serie A dhe i përgjigjet pyetjes për Icardin: “A më mungon ndopak Icardi? Jo, aspak. Sa herë që më shikonte më fuste gol.”
