Dëmtimi i Armando Brojës para disa javësh shqetësoi jo pak stafin e Everton. Gjithsesi, te klubi i Premier League mund të marrin frymë lirisht, pasi rikuperimi po ecën me ritëm të kënaqshëm.
Drejtori sportiv i klubit, Kevin Thelwell, tha se sulmuesi shqiptar mund të kthehet në fushë më shpejt nga çfarë pritej.
“Broja do të rikthehet më herët se sa pritej. Na janë dëmtuar tre sulmues shumë të mirë. Edhe Çermiti u rikthe më herët nga sa pritej. Beto bëri gjërat në mënyrë të shkëlqyer në javën e kaluar duke shënuar gola, të shohim nëse mund të shënojë ndonjë tjetër.
Sulmuesit që do të rikthehen nga dëmtimet mund të dëshmojnë se janë të aftë të na ndihmojnë në fitimin e ndeshjeve”, tha Thelwell.
