Duket se tashmë gjithçka është definitive: Theresa May deklaron se bisedimet për BREXIT kanë arritur në fund të ‘lojës’, ndërsa paralajmëron Bashkimin Evropian se nuk do të bëjë kompromis me rezultatet e referendumit.
Kryeministrja May dëshiron të mbajë një qëndrim të fortë në raundin përfundimtar të negociatave dhe këmbënguli se largimi pa një marrëveshje do të ishte më mirë se shitja në Bruksel.
May shtoi se një marrëveshje për BREXIT tashmë është brenda ‘distancës prekëse’ dhe mund të bëhet nesër mbrëma.
Duke folur në banketin e kryetarit të Bashkisë së Londrës, kryeministrja angleze tha se ndihmësit kanë punuar gjatë gjithë natës duke u përpjekur për të arritur një marrëveshje.
“Negociatat për largimin tonë tani janë në fund të lojës. Dhe ne po punojmë jashtëzakonisht shumë, gjatë natës, për të bërë përparim në çështjet e mbetura në Marrëveshjen e Tërheqjes, të cilat janë të rëndësishme.
Të dy palët duan të arrijnë një marrëveshje, por ajo që ne po negociojmë është jashtëzakonisht e vështirë. Me shumicë dërrmuese, populli britanik dëshiron që ne të vazhdojmë me Brexit dhe unë jam e vendosur për t’i shkuar në fund.
Unë dua që ata të dinë se unë nuk do të bëj kompromis për atë që njerëzit votuan për referendumin. Kjo nuk do të jetë një marrëveshje me çdo kusht. Çdo marrëveshje duhet të sigurojë që ne të marrim përsëri kontrollin e ligjeve, kufijve dhe parave tona”, ka thënë May./ TIRANA TODAY
