Familjarët e 35-vjeçares që vrau burrin, kanë rrëfyer në polici se ishin në dijeni që ajo kishte patur probleme dhe se do ti jepte fund kësaj martese, por janë shokuar që ajo posedonte armë.
Të afërmit e Violeta Donaj kanë dëshmuar sot në polici, se nuk ishin në dijeni që ajo mbante armë, dhe kishte në plan që të kryente këtë akt të rëndë.
“Nuk e dinim që Violeta kishte armë, por e kemi ditur se kishin probleme dhe Violeta kishte shenja në trup.
Violeta e kishte vendosur të ndahej nga bashkëshorti i saj, dhe ishte nisur për tek shtëpia e saj në Rrëshen.
Violeta ishte nisur për të marrë vajzën dhe rrobat. Ajo kishte marrë kunatën ta ndihmonte t’i mbante”, ka qenë kjo dëshmia e familjarëve.
