Brazili dështoi në Botërorin e Rusisë edhe pse ishte favoriti për të ngritur trofeun. Pavarësisht kualiteteve të mëdha që ka në përbërje, ekipi nuk arriti të shfaqë në fushë më të mirën. Trajneri Tite i cili udhëhoqi “Selecao”, nuk rrezikon të shkarkohet, madje Federata e ka besuar e tij udhëheqjen e ekipit deri më 2022, Boterorin e Katarit, duke i rinovuar kontratën.
Ish-trajneri i Korinthiasit, mori drejtimin e përfaqësueses në vitin 2016 pas rinovimit u shpreh: “E kuptoj që ky vendim është një shenjë besimi që na ka dhënë federata për të vazhduar. Do të jetë një sfidë e fortë dhe jemi gati ta përballojmë duke u fokusuar menjëherë tek ndeshjet dhe aktivitetet e ardhshme,”–tha Tite.
Ndërkohë Federata njoftoi edhe shtyrjen e kontratës së ish-mesfushorit të Arsenalit, Edu, i cili është drejtori i Përgjithshëm i Kombëtares së Brazilit.
