Botërori i Rusisë rezultoi skandaloz për Argjentinën. Pas eliminimit, kapiteni Lionel Messi ishte i pari që braktisi ekipin kombëtar për të mos u kthyer për një kohë të gjatë. Mediat argjentinase raportuan se Messi nuk do bashkohej më asnjëherë me kombëtaren, ndërsa vetë sulmuesi i Barcelonës pati deklaruar se ky vendim ishte i përkohshëm.
Megjithatë, mungesës tashmë i ka ardhur fundi dhe 32-vjeçari mësohet t’i ketë shprehur dëshirën Federatës së Argjentinës për t’u rikthyer në kombëtare. Messi dëshiron që të rikthehet tek Argjentina para Kupës së Amerikës, që do të mbahet në vitin 2019 në Brazil.
Ylli i Barcelonës u ka bërë të ditur drejtuesve të Federatës se është i gatshëm të rikthehet dhe mesa duket “paqja” është arritur.
