Deputetët demokratë kanë braktisur mbledhjen e Komisionit të Ekonomisë, e ndërsa i mëshojnë fortë faktit për bllokim negocitash nga dy njerëz të inkriminuar, sipas tyre, Tahiri dhe Xhafaj.
Duke qendruar në të njëjtën linjë, një reagim i ashpër është përcjellë nga kreu i Komisionit, Erion Braçe, i cili kërkoi që të hetohet audio-përgjimi i publikuar nga ana e PD-së, ku implikohet vëllai i ministrit Xhafaj, në trafikun e drogës.
“Të hetohet audio-përgjimi. Ai është një akt i pastër kriminal, ku është përfshirë PD. Sajojnë gjithçka për të ardhur në pushtet”, tha më tej ai.
Ai deklaroi se në këtë proces kriminal, është përfshirë një opozitë që vrau njerëzit në Bulevard në 21 Janar.
“E përfshirë, një opozitë që vrau njerëzit në Bulevard. Kërkon të rikthehet në pushtet pa u tharë gjaku i 21 Janarit. Nuk është një audio-përgjim, por një audio-inskenim. Ky akt kriminal duhet hetuar dhe ndëshkuar ligjërisht.
Kjo histori nuk do të mbyllet pa u hetuar gjithçka. Inskenimi për një synim, për të marrë pushtetin me dhunë”, u shpreh Braçe.
