Benfica ka zbritur me këmbë ne toke Bayernin e Mynihut në ndeshjen e fundit në grup, në Botërorin e klubeve, duke i mposhtur rekordmenët e Gjermanisë me rezultat minimal. Skuadra e Vincent Kompany e pati të pamundur të gjejë rrugën e rrjetës edhe pse rastet e shpërdoruara ishin të shumta, sidomos nga ana e mëngjarashit Leroy Sane. Schjelderup në minutën e 13’ ishte autor i golit të vetëm të kësaj ndeshje dhe bën që portugezët ta mbyllin në krye me 7 pikë, ndërsa më tej kalon dhe Bayern si vend i dytë.
Eliminohen Boca Juniors dhe Auckland City, me këta të fundit që morën një barazim historik në SHBA me vlerën e 1 milionë eurove. Skuadra zelandeze e mbylli e fundit në grup, por arriti të sigurojë të ardhura me të cilat mund të bëjë investime sidomos në bazën materiale.
Flamengo dhe Chelsea janë skuadrat e radhës që kanë siguruar kalimin për në fazën me eliminim direkt, brazilianët me 7 pikë në krye dhe londinezët si të dytët. Në fazën tjetër blutë e Londrës do të përballen me Benfican, ndërsa Flamengo në anën tjetër me gjigantët e Bayern. Mbrëmjen e sotme do të mbahen dhe 2 sfida të tjera, Dortmund-Ulsan dhe Mamelodi Sundoëns-Fluminense.
