Eksperti i ekonomisë Pano Soko, për uljen e borxhit publik të vitit 2024 në nivelin më të ulët që prej 2008-ës, të raportuar nga Ministria e Financave në nivelin 54.7% të Produktit të Brendshëm Bruto, thotë se nuk është rënie domethënëse.
I ftuar në një emision, ai deklaroi se nëse do marrim në referencë shifrën konkrete të borxhit, shihet se borxhi është sot në nivel historik.
Sipas tij, ky borxh që kemi në lekë kthehet në shumë më shumë në euro.
“Sot kemi diku rreth 13.5 miliardë euro borxh. Ndërsa në 2013 kemi pasur diku te 7 miliardë euro borxh, ka një rritje prej 6 miliardë euro borxh.
Këto shifrat mbi PBB nuk më thonë asgjë, mua më thonë shifrat me të cilat është shtuar borxhi.
Ajo që duket hapur është se kemi rritur borxhin.
Në vijim ai shtoi se ndërtimi është aktualisht sektori që po tërheq ekonominë shqiptare, si krimi apo paraja e pistë që po diktojnë rritjen ekonomike.
Rritjen ekonomike po e dikton niveli i humorit politik, qasjet politike dhe disa fenomene që lejohen nga politika.”
