Leonardo Bonucci është pritur me shumë ngrohtësi para pak minutash nga tifozët kuq e zi në “Casa Milan”.
Ish-lojtari juventin do të nënshkruajë një kontratë 5-vjeçare me vlerë 6.5 milionë euro në sezon plus bonuse.
Pas nënshkrimit, që pritet të bëhet në orët në vijim dhe vizitave mjekësore, Bonucci do mund të fluturojë në Kinë me pjesën tjetër të skuadrës për përgatitjes para sezonale.
Për ish-skuadrën e tij, Juventusin do të shkojnë 40 milion euro, ndërkohë që i hapet rruga edhe bisedimeve me kuqezinjtë për mbrojtësin Mattia De Sciglio.
Lidhur me këtë transferim, ka reaguar ish-kapiteni i Zonjës së Vjetër, Alessandro Del Piero, i cili ka shtangur nga vendimi i Bonuccit.
“Nuk e prisja. Si transferim nuk di ç’të them, por si juventin nuk e shikoj si ndonjë gjë të madhe. Ndodh kështu, nën qiellin e pastër. Më dukej si një shaka kur e mora vesh lajmin, por duhet të them se është shumë befasues, ta quajmë kështu”, ka thënë Del Piero për “Sky”.
