Akoma pa u harruar “tradhtia” që Leonardo Bonucci bëri një vit më parë kur la Juventusin për t’iu bashkuar Milanit, vjen lëvizja e radhës. Duket se në shtëpinë Bonuccit ka një harmoni tifozllëku dhe këtë e konfirmon mjaft mirë babai juventin, me djalin e tij të madh Lorencon, i cili është një simpatizant i “kushërinjve” të urryer bardhezinj, Torinos.
Lorenco i lindur në vitin 2012, kur babai i tij festonte titullin e parë me Juven është një adhurues i madh i Andrea Beloti, bomberit të Torinos. Leonardo ka mbështetur maksimalisht ëndrrën e djalit të tij dhe ka vajtur ta regjistrojë në radhët e “demave”, ku 6-vjeçari ëndërron që një ditë të luajë me fanellën e idhullit të tij. Për më shumë, vetë Bonucci e ka shoqëruar Lorencon në ditën e parë të grumbullimit, në qendrën stërvitore “Granata”.
