Në ‘Selman Stermasi’ nesër me fillim në orën 14:00, do të zhvillohet ndeshja mes kombëtares U-19 dhe Ukrainës.
Bogdani ka besim se skuadra do t’i krijojë probleme kundërshtarëve pavarësisht se janë në nivel më të larta dhe se synon të marrë rezultat pozitiv.
“Tani për tani jam trajner i U 19-ës, shpresoj të bëj sa më mirë më këtë kombëtare. Kam nisur edhe një lloj periudhe me këtë skuadër, shpresoj që të bëj mirë. Pastaj gjatë rrugës të shikojmë. Detyra ime pas futbollit ishte të bëja trajnerin. Jam krenar që po e bëj te U-19-ta. Kam lozur shumë ndeshje me kombëtaren, kam përfaqësuar mjaft mirë edhe kombin në Itali ku kam luajtur dhe tani më është dhënë mundësia të bëhem trajner i U-19-ës. Shpresoj ta bëj sa më mirë, pastaj duke parë e duke bërë.
Objektivi
“Thashë që në intervistën e parë, objektivi im është që të sjell sa më shumë lojtar te U21-i dhe ekipi kombëtar. Po të shohim para kësaj ndeshje me Ukrainën, ekipi është paraqitur shumë mirë, ka fituar një trofe në Itali që nuk është pak. Kemi dalë në vendin e dytë prap në një trofe në Itali, ku kemi luajtur ndaj skuadrave të mira siç janë Sampdoria dhe Fiorentina. Kemi zhvilluar dy ndeshje të mira me Gjeorgjinë, pra nuk diskutohet që objektivi është që të çojmë sa më shumë lojtar te U-21 dhe kombëtarja. Megjithatë rezultatet që marrim të japin një farë besimi te vetëvetja. Por, megjithatë çunat duhet të rrinë të qetë nesër, pasi nuk kanë presion, ne jemi të vetëdijshëm, do të japim maksimumin tonë për t’i përballuar sa më mirë. Pas këtyre tre ndeshjeve të shohim se ku jemi”.
Lojtarët e afruar në skuadër
“Kam një vit që jam në krye të kësaj detyre gjatë një viti kemi parë rreth 70 futbollistë. Ka edhe lojtarë të tjerë që po paraqiten mirë në ekipe të tjera. Faktikisht që të kesh rezultate duhet edhe pak kohë. Megjithatë, unë them që për këto tre ndeshje kam bërë zgjedhjen më të mirë që është e mundur për këtë kombëtare dhe shpresoj që këto djem për këto tre ndeshje të luajnë sa më mirë. Të japin maksimumin në fushë, të paraqitemi sa më mirë”.
Ndaj Ukrainës
“Nesër luajmë më ekipin më të mirë në grup, u kam thënë edhe djemve, të tre ekipet do t’i respektojmë, por nuk do t’i kemi frikë sepse luajmë tre ndeshje në “Selman Stërmasi”.
Mendoj që do të kemi dhe publik që do të na mbështesë. Nuk mendoj të luajmë në sulm, pasi nëse ata do ta kenë topin ne nga sulmuesi deri të mbrojtësi dhe portieri do të mendojmë të mbrojmë portën tonë. Pastaj kur të kemi topin normalisht që skuadra do të mendojë të organizojë aksionet sulmuese dhe të shënojë gola.
“Çdo futbollist i mirë që bën diferencën do të vijë në kombëtare. Unë e kam thënë edhe më përpara që unë jam trajner i ekipit dhe dera e kombëtares do të jetë e hapur për të gjithë. Sa më mirë të paraqiten lojtarët me ekipet e tyre aq më mirë është për ne trajnerët.
Shanset për të kaluar grupin
“Që të rrijmë me këmbë në tokë, nuk dua ti ngarkoj pasi nuk kemi zhvilluar shumë turne të tillë që të kemi eksperiencën për të këtë. Kam studiuar Ukrainën dhe Norvegjinë dhe Malin e Zi, sidomos dy të parat sepse janë ekipe që janë që kanë marrë pjesë në tetat e Europës.
Janë ekipe të forta, por gjithsesi nuk i fshehim ambiciet tona. Por kam besim se djemtë do të japin maksimumin e tyre. Këtë javë i kam parë edhe janë stërvitur shumë mirë. Besoj se edhe rezultati do të vijë. Është e vështirë të kesh një filozofi pasi me skuadrat e forta është e vështirë, nuk mund të luash barabartë me to, me të njëjtën filozofi”.
Skema ndaj Ukrainës
“Në këtë tre ndeshje mendoj që të luajmë me një sistem 4-3-3 kur ne të kemi topin dhe 4-1-4-1 kur Ukraina ka topin pasi është një ekip shumë i mirë i cili është rritur bashkë. Ata luajnë së bashku që nga U-15 deri te U-19. E dimë shumë mirë se si luajnë me njëri-tjetrin. Nesër skuadra jonë do ti krijojë shumë probleme dhe do ti vendosë në vështirësi”.
Dëmtimet
“Kemi pasur një dëmtim të vogël të mbrojtësit Pjetri, për mua të gjithë djemtë janë në të njëjtin nivel. U kam thënë se të gjithë janë të barabartë. Për mua të gjithë djemtë që kam grumbulluar janë titullar, pavarësisht se kush luan nesër apo në dy ndeshjet e tjera”- përfundoi tekniku i U-19″.
https://www.youtube.com/watch?v=I9i1QsazGA4
