Libra, edhe pse ka vetëm tetë muaj jetë si parti politike, ka arritur të marrë 20.000 vota në rang vendi, të cilat nuk i siguruan dot 1 mandat në kuvendin e ri.
Kryetari i Libra-s, Ben Blushi, me anë të një postimi në FB, ka falenderuar votuesit që e panë si alternativën e duhur në këtë proces zgjedhor, duke i njohur vetes përgjegjësinë dhe zgjedhësve meritat për këtë rezultat, aspak të dobët, referuar jetëgjatësisë politike të Libra-s.
“PËR GJITHË LIBRAT.Te dashur LIBRA, kur kutitë të mbyllen ne do kemi 20.000 vota në gjithë Shqipërinë dhe asnjë mandat. Dua t’ju falenderoj të gjithëve dhe t’ju them, se përgjegjësia është vetëm e imja dhe merita është e gjitha e juaja. Do bëj gjithçka mundem, që projekti LIBRA të vazhdojë. Kanarina nuk hyri dot në minierën e qymyrit megjithëse fluturoi,”, shkruan Blushi.
