Ulja e temperaturave dhe fillimi i reshjeve të dëborës ka shkaktuar probleme të shtuara në akset rrugore. Gjatë pasdites së kësaj të diele reshjet e dëborës janë bërë të dendura në zonat verilindore, ndërsa qytetet më të prekura nga rënia e temperaturave janë Kukësi, Dibra dhe Tropoja, por nuk përjashtohet edhe pjesa juglindore apo qyteti i Korçës
Rrugët nacionale janë të hapura, por në Dibër një pjesë e fshatrave të thella janë bllokuar sepse trashësia e dëborës ka shkuar në 55 centimetra. Mjetet e kanë të vështirë të lëvizin, veçanërisht gjatë natës.
Reshjet e dëborës edhe në juglindje krijuan probleme në lëvizjen e mjeteve. Trashësia e dëborës në zonat e larta ka arritur deri në 40 centimetra, por për shumë njerëz në fundjave ky ishte një lajm i mirë dhe mundësi për të bërë ski.
