Skënderbeu pas dy fitoresh në kampionat ka një tjetër ndeshje të vështirë në transfertë përballë Elbasanit. Një ndeshje që sa e vështirë është po aq e rëndësishme për bardhekuqtë.
Në këtë takim që do të ketë një peshë të madhe për ecurinë e Skënderbeut, korçarët duhet të bëjnë pa sulmuesin kryesor të ekipit. Bismark nuk do të jetë në dispozicion të trajnerit Ernest Gjoka si pasojë e një problemi fizik, por mbi të gjitha për shkak se ka plotësuar numrin e kartonëve të verdhë dhe për pasojë do të jetë i padisponueshëm për këtë takim të fundjavës me Elbasanin.
E vetmja dilemë për numrin një të stolit bardhekuq është se kush do të jetë zëvendësuesi i Bismark në majë të ofensivës korçare, ku Nikaj shihet si profili më i përshtatshëm për atë rol dhe me Lukinas që do të plotësojë ofensivën bardhekuqe.
