Danney Williams, djali që pretendon se është i biri i paligjshëm i ish presidentit amerikan Bill Clinton, vijon të këmbëngulë për t’iu njohur atësia.
“Edhe pse më braktisët dhe u kujdesët vetëm për Chelsean, unë ende dua t’ju falënderoj që më keni dhënë jetën. Gëzuar Ditën e Baballarëve,” shkroi ai në Twitter.
Në një tjetër postim pasues, ai shkruan: “Unë nuk jam duke kërkuar simpati dhe as mirëqenie. Unë vetëm uroj që ju nuk do më harroni mua.”
Ai gjithashtu publikoi një foto të montuar me portretin e tij dhe ish-presidentin, ku tenton të provojë ngjashmërinë fizike mes tyre.
Williams edhe më parë ka kërkuar bërjen e testit të atësisë, me pretendimin se është i biri i Clinton nga një marrëdhënie me nënën e tij prostitutë, raportojnë mediet amerikane.
