Xherdan Shaqiri ishte i jashtëzakonshëm në sfidën përballë Manchester United. Ai u aktivizua në minutën e 70’ dhe vetëm pas 3’ minutash i dha avantazhin Liverpoolit, ndërsa vetëm 7’ pas golit të parë gjen edhe rrjetën e dytë.
Padyshim Shaqiri është ‘asi nën mëngë’ i Jurgen Klopp, pasi futbollisti me origjinë shqiptare sa herë është aktivizuar ka ndryshuar lojën. Dy golat 27-vjeçarit solli ndryshime drastike në kampin e “Djajve të Kuq”, pasi shkaktoi edhe shkarkimin e trajnerit Jose Mourinho. Pikërisht për këtë paraqitje ka disa fjalë edhe shoku i tij skuadrës, holandezi Virgil van Dijk.
“Duhej të shënonim dhe ne e bëmë këtë. Na duhej durimi për të vijuar presionin ndaj United, për këtë mendoi “Big Shaq”, u fut në lojë dhe përfundoi atë që kishim nisur, qartë, pastër, pa gabime. Një lojtar fantastik, që e ka treguar veten që në sfidën e parë. Me pak fjalë, Shaqiri bën diferencën, është katalizatori i ndryshimeve të suksesshme.”
Më ringjitjen e Liverpoolit në vendin e parë të klasifikimit tashmë në kuotën e 45 pikëve, 1 më shumë se kampionët në fuqi të City-t, holandezi Van Dijk nuk nguron të shprehë entuziazmin.
“Ishim të etur t’u tregonim të gjithëve se jemi duke ecur në rrugën e duhur. E njohim kundërshtarin, ka kualitet me tepri, por ia dolëm. Ia dolëm falë Shaqirit, ishte një fitore e merituar.”
