Një zjarr është raportuar ditën e sotme në një nga sallat e Universitetit Bujqësor të Tiranës. Siç shihet në videon e mëposhtme flakët kanë nisur nga tavani i një auditori ndërsa ambientet janë mbuluar nga tymi.
Ende nuk ka asnjë informacion se si ka nisur zjarri, ndërsa bëhet me dije se nuk ka pasur asnjë person të lënduar. Ditët e fundit ky universitet ka qenë në qendër të vëmendjes së mediave për shkak të hetimit që SPAK nisi për stafin për abuzime me tendera.
