Kati i katërt i Spitalit Rajonal në Shkodër është përfshirë nga flakët mëngjesin e sotëm.
Ngjarja ka ndodhur rreth orës 07:05.
Sipas policisë zjarri ka rënë në një nga dhomat e Repartit të Kirurgjisë.
Shërbimet e Policisë dhe zjarrfikësit shkuan menjëherë në vendngjarje.
Ndërhyrja në kohë e shërbimeve bëri të mundur neutralizimin e flakëve, duke mos lejuar përhapjen e flakëve në dhomat e tjera si dhe shuarjen e plotë të zjarrit.
Nga zjarri nuk ka persona të lënduar, vetëm dëme materiale.
Grupi hetimor vijon punën për zbardhjen e shkakut të rënies së zjarrit, paraprakisht dyshohet aksidental
