Besmir Qibini emërohet shef i Komisariatit Nr. 3 në Tiranë
Pas shumë vitesh drejtimi të suksesshëm të Komisariatit të Policisë Rrugore të Tiranës, Besmir Qibini është emëruar sot në detyrën e re si shef i Komisariatit Nr. 3 në kryeqytet.
Qibini është një nga oficerët më të respektuar dhe më profesionalë të Policisë së Shtetit, i njohur për seriozitetin, ndershmërinë dhe përkushtimin në detyrë. Gjatë drejtimit të Policisë Rrugore të Tiranës, ai ka arritur rezultate të dukshme në rritjen e sigurisë rrugore, disiplinimin e trafikut dhe forcimin e marrëdhënies me qytetarët.
Emërimi i tij në krye të Komisariatit Nr. 3 shihet si një vlerësim i merituar për punën e tij shembullore dhe për kontributin e gjatë në strukturat e policisë.
Qibini përfaqëson modelin e oficerit që shërben me profesionalizëm, integritet dhe përkushtim ndaj detyrës dhe ligjit, duke fituar respektin e kolegëve dhe besimin e komunitetit.
