Silvio Berlusconi është rikthyer sërish në qendër të vëmendjes pas deklaratës shokuese që ka bërë për njeriun më të afërt të tij, përgjatë kohës që drejtonte Milanin. Ai ka quajtur ish-bashkëpunëtorin e tij, Alfanon si mashtrues dhe tifoz të shtirur të Milanit, pasi ai ka qenë i çmendur pas Juventusit.
“Një përshëndetje për Alfanon, që për 12 vite me radhë si asistenti im u shtir si tifoz i Milan, por një ditë e kam parë të dëshpërohej pas një goli të pësuar nga Juventus kundër Benfica-s. Kam bërë një hetim dhe kam zbuluar se ai ka qenë gjithmonë i çmendur me Juventus-in. Në politikë është mirë të kesh edhe një opinion ndryshe nga të tjerët”. Ky ka qenë komenti ironik i bërë nga ish-presidenti i Milan, Sivlio Berlusconi, për ish bashkëpunëtorin e tij.
Ka qenë e menjëhershme replika e ministrit Alfano: “Kam qenë gjithmonë një tifoz i Juventus dhe nuk e kam fshehur asnjëherë. Të gjithë ata që më njohin e dinë këtë. Për sa i takon Berlusconi-t, mendoja se kishte vazhduar jetën pa mua. Mesa duket nuk ia del dot. Përndryshe nuk shpjegohen falsitetet e thëna për mua”.
