Debatet në sallën e Parlamentit të Shqipërisë kanë vijuar intensivisht. Ish-kryeministri Sali Berisha i kërkoi kryetares Elisa Spiropali ndërprerjen e seancës dhe votimin për një rezolutë që dënonte gjenocidin serb në Kosovë. Berisha theksoi se ishte e papranueshme që Kuvendi shqiptar të qëndronte pa marrë një qëndrim të qartë ndaj krimeve të luftës serbe në Kosovë dhe e akuzoi Spiropalin për përfaqësim të Serbisë pas refuzimit të rezolutës.
Ai kërkoi që Kuvendi të miratonte një qëndrim të fortë ndaj gjenocidit dhe të shprehte mbështetje për Kosovës, duke theksuar se refuzimi i një deklarate të tillë ishte një akt i turpshëm.
Nga ana tjetër, kryetarja Spiropali iu përgjigj duke e cilësuar kërkesën e Berishës si të pabazuar dhe jashtë kontekstit aktual. Ajo theksoi se nesër, dy Kuvendet e Shqipërisë dhe Kosovës do të dalin me një deklaratë të përbashkët që do të adresojë një gamë të gjerë çështjesh, duke përfshirë çështjet e sigurisë, rrugëtimin e Kosovës në Bashkimin Europian dhe çështjet e tjera të rëndësishme për të dy shtetet.
Spiropali theksoi se nuk ishte momenti për të përdorur Kosovën si një temë politike të ditës, dhe i bëri thirrje opozitës të priste rezultatin e diskutimeve nesër, kur deklarata e përbashkët do të ishte më e përshtatshme për të adresuar këto çështje.
Berisha: Edhe në mëngjes e ngrita para mediave thashë të ndërprisni punimet të sillni rezolutën për dënimin e gjenocidit serb në Kosovë sepse ulja juaj në Kuvendin e Kosovës është si përfaqësues të Serbisë. Sepse ju keni refuzuar rezolutën, votoni sonte rezolutën e dënimit të gjenocidit serb që nesër të shkoni si përfaqësues të shqiptarëve, dhe jo si ata që nuk njihni krimet e gjenocidit, më të padëgjuarat ndonjëherë. Zonjë sille rezolutën ta votoni, një ndjesë publike për sanksionet Kosovës të partë në Europë. për ndalimin që i bëtë himnit për Adem Jasharin Mora Fjalë, u fshehët pastaj se e zëvendësuam me një këngë shumë e bukur. Por nuk zëvendësohej sepse e zuri vendin. Ju erdhi telefoni i kuq nga Beogradi, si do shkoni atje.
Spiropali: Koha juaj ka mbaruar zoti Berisha. E mori për replikë.
Berisha: Jeni dakord të ndërpresim seancën dhe të sjellim rezolutën këtë kërkoj unë.
Spiropali: Nesër do dalim me një deklaratë të përbashkët, do jetë e qartë për të gjithë çështjet, nga rruga evropiane tek kërkesa e rrugëtimit të Kosovës, për çështjet e sigurisë në rajon. Nuk është vendi për të bërë politikën e ditës me Kosovën.
