Ish-kryeministri Sali Berisha tha se Ministria e Financave refuzoi 6 herë kërkesën për ndërtimin e inceneratorit të Tiranës.
Në një deklaratë për mediat ish-kryemini theksoi se të dhëna autentike zyrtare, faktojnë se kryetari i Bashkisë së Tiranës, Erion Veliaj është autori kryesor i vjedhjes së shekullit me djegësin e Tiranës.
Duke iu referuar dosjes së SPAK, Berisha tha se dëshmohet se Ministria e financave kanë refuzuar 6 herë kërkesën e përsëritur për ndërtimin e djegësit të Tiranës, si një kërkesë e papërballueshme nga pikpamja financiare.
“Vapa e gushtit ra, por flakët e djegësit të Tiranës që nuk ekziston bëhen gjithnjë e më përcëlluese. Të dhëna autentike zyrtare, origjinale faktojnë se Veliaj është autori më kryesor së bashku me Ramën i vjedhjes së shekullit me inceneratorin e Tiranës.
Këto të dhëna që disponohen plotësisht edhe nga SPAK, dëshmojnë se jo 1, por 6 herë ministria e Financave fillimisht Shkëlqim Cani dhe më vonë Ahmetaj kanë refuzuar kërkesën e përsëritur të ndërtimit të djegësit të Tiranës, si një kërkesë krejtësisht e papërballueshme nga pikëpamja financiare, që e konfirmon KLSH.
Janë të gjitha datat në të cilat Ministria e Financave ka shprehur diaprovimin e plotë”, tha Berisha.
