Mesfushori me orgjinë nga Kosova që aktivizohet në radhët e Udinezes, Valon Berhami ka vënë në rrezik karrierën e tij për të ndihmuar përfaqësuesen helvete, për të siguruar një biletë për në botërorin Rusi 2018. Ai është bashkuar me ekipin e Zvicrës për ndeshjen e radhës në fazën “play-off”, që do të zhvillojë përballë Irlandës së Veriut, pa lejen e klubit italian. Ky është një risk i madh për mesfushorin 32-vjeçarë, pasi ai është i dëmtuar dhe duke bërë pas kokës së tij mund të rrezikojë ndonjë pezullim që ti prishë karrierën.
Por për Berhamin nuk ka kthim, pasi ai ka vendosur ti bashkohet kombëtares zvicerane dhe ti ndihmojë ata për të siguruar kualifikimin për në fazën e grupeve. Kjo nuk është hera e parë që ai tregon dashuri për vendin që e bëri të njohur në arenën ndërkombëtare si futbollist.
“Kam shumë presion nga klubi. Fillimisht lëndimi dukej keq dhe klubi nuk dëshironte të rrezikonte, por në bisedën me trajnerin ia kam bërë të qartë rëndësinë që kanë këto ndeshje për mua. Kush vendos nëse do luaj ndaj Irlandës? Natyrisht që unë, por në konsultim me mjekët. Gjithnjë e kam thënë fjalën e fundit. Jam 32 vjeçar dhe e njoh trupin tim. Këto ndeshje janë shumë të rëndësishme për mua dhe unë nuk mund të ulem e të rri në shtëpi” – deklaroi Behrami.
Zvicra luan më 9 nëntor, ndeshjen e vlefshme për fazën “play-off”, ndaj Irlandës së Veriut, ku do të kërkojë edhe një biletë për në Rusi 2018.
