Festa duke bërë shqiponjën me duar nga Granit Xhaka dhe Xherdan Shaqiri në ndeshjen me Serbinë është komentuar gjatë. Madje për ta ka pasur edhe një dënim në vlerë monetare nga FIFA, pasi e cilësuan si një gjest politik dhe në sport nuk ka vend për politikë.
Valon Behrami është nja nga shqiptarët që aktivizohet për Zvicrën, por ndër të vetmit që është treguar më i përmbajtshim në atë sfidë. Së fundmi ai ka folur për festimin e Granitit dhe Xherdasnit, por në të cilin u përfshi edhe kapiteni Lishtajner. Ai është shprehur i lumtur që nuk u pezulluan, por ndërkohë ka folur dhe nëse do të ketë më festim me shqiponjë në ndeshjen me Kosta Rikën.
“Natyrisht ne jemi të lumtur që asnjëri nga ne nuk u suspendua”, tha ai, duke shtuar se në lidhje me këtë festë në fitoren kundër Serbisë se “nuk do të ndodh sepse ndeshja e radhës nuk është aq speciale sikurse ajo e para. Ndoshta ata do të festojnë me këtë gjë me klubin e tyre”, vazhdoi Behrami. “Por nuk do të ndodh më në Botëror”.
