Krimi ekonomik si dhe Krimet e Rënda në Policinë e Shtetit kanë nisur procedimin penal për drejtorin e Spitalit Rajonal të Beratit.
Zyrtarisht policia deklaron se Idlir Frashëri në funksion publik, në bashkëpunim me disa punonjës të spitalit të Beratit dhe deputetin e LSI-së Gledion Rehovica (në foto) kanë konsumuar veprën penale të “korrupsionit aktiv në zgjedhje”.
Po kështu Frashëri akuzohet edhe për ‘Përdorim të funksionit publik në veprimtari politike”.
NJOFTIMI I POLICISË
Sot Sektori për Hetimin e Korrupsionit në Drejtorinë për Hetimin e Krimit Ekonomik e Financiar në Departamentin për Hetimin e Krimit të Organizuar dhe Krimet e Rënda në Drejtorinë e Përgjithshme të Policisë së Shtetit, mbi bazën e një denoncimi, filloi procedimin penal për shtetasin Idlir Frashëri, pasi duke qenë në funksion publik të Drejtorit Rajonal të Spitalit Berat, në bashkëpunim me disa punonjës të këtij spitali dhe deputetin e zonës Gledion Rehovica, kanë konsumuar elementët e veprës penale të “Korrupsionit aktive në zgjedhje” dhe “Përdorimi i funksionit publik në veprimtari politike ose zgjedhore”, vepra penale të parashikuara nga nenet 328 dhe 328/a të Kodit Penal.
