Benzema “mërzit” Perezin, Arsenal gati të përfitojë

Ai është duke kaluar një formë mjaft të dobët tek gjigantët e Real Madrid dhe ofertat drejt tij nuk janë të shumta. Arsenal është i vetmi ekip “big” që ka shfaqur interes për Karim Benzema. Oferta është e majme dhe kap shifrat e 26 milionë paund. Trajneri i Arsenal ka nevojë të domosdoshme për një zëvendësues të Alexis Sanchez, me kilianin gati të largohet për te Manchester City. Ai mund të largohet për një shumë të vogël që tani në merkaton e janarit, ose të transferohet me kosto zero në merkaton e verës. Për rrjedhojë, Ëenger, nuk mund t’i lejojë vetes që të shpenzojë një shumë të madhe parash për bashkëkombësin e tij, Benzema, të paktën jo shumë mbi £30 mln. Referuar portalit spanjoll, “Don Balon”, Arsenal do të ofrojë £36 milionë.

Me Benzeman, që aktualisht vlerësohet si një futbollist që po mërzit presidentin e Real Madrid, Florentino Perez, trajneri Wenger po tenton të përfitojë. Arsenal është klubi i vetëm deri tani që ka bërë ofertën e parë për sulmuesin. Gjigantët e La Liga janë gati të shesin në fund të sezonit. Por “Don Balon” shton gjithashtu se oferta e Arsenal ka lënë të pakënaqur drejtuesit e Real Madrid. Por nga ana tjetër, me mungesën e interesimit nga klubet e tjera për francezin, Real Madrid mund të jetë i detyruar të arrijë marrëveshjen me Topçinjtë në vitin 2018.