Real Madrid në merkaton e verës ka humbur shërbimet e një futbollisti të madh si Cristiano Ronaldo, i cili është vështirë ti gjendet zëvendësuesi. Analistët e futbollit janë të mendimit se largimi i yllit portugez drejt Juventusit e ka dobësuar Real Madridin, por nuk është i këtij mendimi sulmuesi i Barcelonës, Luis Suarez.
Kur pyetet për largimin e Ronaldo-s dhe se çfarë do të thoshte për kampionatin dhe Real, Suarez ka sugjeruar se kampionët e Europës nuk do të ndikohen aq shumë sa mendohet.
“Është Real Madrid, pra është mbi çdo individ,” shprehet uruguaiani për RAC1. “Kanë shumë lojtarë me kualitet dhe një trajner të ri. Një trajner i ri gjithmonë gjeneron ambicie. Si Madrid, ashtu edhe Barça, janë mbi lojtarët. Në Superkupë dhe në ndeshjet e para të kampionatit kemi treguar nivel të mirë.”
