Largimi i Zinedine Zidane nga pankina e Real Madrid ishte një befasi për të gjithë botën e futbollit, pasi ai në dy vite e gjysmë kishte arritur suksese të mëdha. Ai fitoi gjithçka me ekipin madrilen dhe ishte e kuptueshme që ai të kërkonte edhe largimin, por kjo ishte vetëm një ndër arsyet e këtij largimi.
Në një intervistë për “Sky”, trajneri i njohur italian Fabio Capello ka zbardhur të vërtetën në klubin e Realit të Madridit, duke u shprehur se nëse spanjollët nuk do e kishin fituar Championsin, atëherë Zidan do të shkarkohej në mënyrë të menjëhershme.
“Zidane ka bërë zgjedhjen më të mirë, duke e lënë Realin në këtë moment. Unë e di se nëse ai nuk do të fitonte Championsin, atëherë ai do të ishte shkarkuar, prandaj francezi bëri zgjedhjen e duhur”, ka thënë Capello.
