Spektakël ka dhuruar këtë fundjavë Bundesliga gjermane, ku Bayern Munich ka dhuruar një ndeshje dramatike më përmbysje, ndërsa Dortmund sërish nuk di të fitojë. Për bavarezët ishte një fitore e madhe përballë Hoffenheim, pasi e nisën ndeshjet me dy gola në disavantazh, duke pësuar dy gola në 10 minutat e para. Megjithatë bavarezët reaguan fuqishëm duke barazuar shifrat brenda 25 minutave të para me Lewandowskin dhe Jerome Boateng. Për të vulosur fitoren e 7-të radhazi të Bayernit në kampionat sukses që e ngjiti skuadrën e Heynckes në kuotën e 50 pikëve menduan Coman, Vidal dhe ish sulmuesi i Hoffenheim Sandro Wagner i cili realizoi golin e tij të parë me bavarezët duke vulosur rezultatin në 5-2.
Schalke 04 mposhti 2-0 Shtutgartin në transfertë duke rimarrë vendin e dytë falë golave të Naldos dhe Harit. Një gol i mbrojtësit Toljan në minutën e 93-të shpëtoi Dortmundin që barazoi 2-2 përballë Freiburgut në një ndeshje ku Amir Abrashi luajti si titullar dhe bëri një paraqitje tejet pozitive. Me Mërgim Mavrajn në stol një pikë me shumë vlera mori edhe Hamburgu që ndali në një barazim 1-1 Leipzig. Me të njëjtat shifrat përfundoi edhe takimi Koln-Augsburg.
