Partia Socialiste feston sot 26-vjetorin e themelimit të saj.
Deputetë, ministra, themelues të kësaj force kanë qenë prezent në festën e organizuar nga PS.
Gjatë nisjes së fjalës së tij nga selia e PS, kreu i qeverisë e falënderoi ish-kandidatin për kryetar bashkie të Tiranës për pjesëmarrjen.
“Me ne është këtu edhe dr.Halim Kosova, si përfaqësues i Partisë Demokratike. Faleminderit profesor që ke ardhur, jemi shumë të nderuar me praninë tënde,” tha Rama.
Ky i fundit gjithashtu bëri një batutë: “Me gjithë respektet për doktor Halimin, më të mirë se ne nuk ka. Jam i bindur se nëse votohet këtu sot, vetëm një votë kundër kemi. (I drejtohet Halimit). Këta janë gati të na e japim timonin. Kjo e jona nuk është një betejë”.
Nga ana tjetër Kosova ka zbuluar se çfarë i thanë disa nga të pranishmit.
“Rama tha që vetëm mua më ka kundër, por kur hyra këtu, shumë të pranishëm më thanë që ke votën tonë”, tregoi me humor Kosova.
