Presidenti i KOKSH, Fidel Ylli ishte i ftuar në studion e lajmeve në Ora News ku foli për rikthimin e basteve online. Ylli tha se ligji për bastet sportive është një ligj europian, dhe se personat nën 21 vjeç nuk do lejohen të luajnë.
“Pikat e basteve nuk janë mbyllur asnjëherë. Nuk i mbyll dot bastet se do gjehet një mënyrë artizanale për ti hapur dhe për të luajtur sërish. Shumë vende të botës kanë dështuar që ti mbyllin bastet. Nën 21 vjec nuk do lejohet të luajnë baste sportive.
Ky ligj është një ligj europian. Operatorëve do i mbahet 15% e atyre që do fitojnë. Kjo është një lloj politike që të zhduket e zeza. Kemi nevojë për qendra olimpike.
Me sport kemi hyrë në Europë. Na duhen të ardhura nga kompanitë e basteve që të mbështesim sportistët. Kemi nevojë për investime. Jemi kampionë bote pa mbështetje”, tha ndër të tjera Ylli.
