Bashkia e Tiranës ka marrë një nismë të re sa i takon argëtimit të fëmijëve. Krahas këndeve të lojrave që po ndërtohen në kryeqytet, kryetari Erion Veliaj ka menduar të çojë teatër për fëmijët në çdo lagje.
Teatri Shëtitës i Kukullave i Bashkisë së Tiranës ka nisur një tur shfaqjesh në lagje të ndryshme të kryeqytetit, ku fëmijët do të mund të ndjekin pa asnjë pagesë personazhet e tyre të dashura të përrallave.
“Sa u kënaqën engjëjt e kopshtit Avatar në Laprakë! Kolegët tanë të Teatrit Shëtitës të Kukullave po shkojnë lagje më lagje këtë pranverë për më shumë lojë dhe energji pozitive. #Tirana #Argëtim #Fëmijët”, shkruan kryebashkiaku Veliaj në postimin tij në Facebook.
Siç mund të shihni edhe nga këto foto, kjo nismë ka gjetur përkrahjen e të gjithë banorëve, të cilët kanë mbushur sheshet së bashku me fëmijët e tyre.
