Zbardhen detaje nga seanca maratonë prej 6-orësh që u mbajt gjatë së mërkurës në GJKKO për kryebashkiakun Erion Veliaj, bashkëshorten e tij, Ajola Xoxa dhe 6 biznesmenë. Gazetarja Klodiana Lala ka zbardhur pjesë nga seanca e pyetje-përgjigjeve mes prokurorit të akuzës dhe kryebashkiakut Veliaj.
Në fjalën e tij, kryebashkiaku Erion Veliaj tha konkretisht:
“Nuk më është shpjeguar edhe sot pse jam i arrestuar, unë jam kryetar bashkie që jam votuar nga populli i Tiranës kam bërë detyrën time. I kam hyrë në hak familjes se kam punuar edhe të shtunë edhe të diele edhe për festa kam punuar.
Por mallkuar qoftë ai që punon në këtë vend, se bëhet objekt sulmi dhe gjendet në këtë situatë qe jam unë sot. Vila në Qerret nuk është e jona, është e natyrshme që aty do gjenden lodrat e fëmijës tim dhe se bashkëshortja ime është fëmijë i vetëm dhe vjehrra ime dhe nuk e di pse duket kaq e panatyrshme që të jenë lodrat e fëmijës tek shtëpia e gjyshes.
Bashkëshortja ime është kryezonjë dhe është përndjekur në mënyrë perverse. Këtu ka ndërhyrë prokurori qe i ka kërkuar të ruajë etikën në komunikim, dhe replika e Veliajt ishte: pse të dogji, nuk përmenda emra dhe me këtë fjali kam parasysh median e politikën.
Prokurori i tha: sepse i ke shkruar ne facebook, këtu nuk je në facebook ndaj përmbaju provave dhe fakteve.
Prokurori tha: të gjitha veshjet kishin kod unik dhe ishin veshje personale buzëkuq dhe bizhuteri.
Biznesmenët e tjerë pjesëmarrës në seancën e së mërkurës në GJKKO, ishin dhe Elman Abule i cili ndodhet nën arrest në burg. Abule kërkoi heqje të masës përballë garancisë pasurore. Fatmir Bektashi ka kërkuar që t’i caktohet e njëjta datë në të cilën paraqitet edhe për dosjen “Partizani”.
Biznesmeni Gentian Sula ka kërkuar që të paraqitet 1 herë në muaj për shkaqe shëndetësore, ndërsa Meriman Palushi ka kërkuar heqje masë sigurise ose qe të paraqitet 2 herë në muaj.
